Një ngjarje e rëndë kriminale është parandaluar mbrëmjen e 24 gushtit në rrugën “Don Bosko” në Tiranë, pas një konflikti mes disa personave në një lokal Ngjarja u raportua rreth orës 22:00, ndërsa në vendngjarje ndërhynë menjëherë shërbimet e Komisariatit Nr. 3, në bashkëpunim me Forcat e Posaçme “Shqiponja”.
Gjatë kontrollit fizik të ushtruar ndaj shtetasit Indrit Kallari, policia gjeti dhe sekuestroi një armë zjarri pistoletë, tip “TT”. Sipas policisë, me këtë armë dyshohet se Kallari ka goditur në kokë shtetasin Arben Merkaj.
Indrit Kallari u arrestua në flagrancë për veprat penale “Prodhimi dhe mbajtja pa leje e armëve” dhe “Plagosja e rëndë”, të parashikuara nga nenet 278 dhe 88 të Kodit Penal. Ndërkohë, në vijim të hetimeve, u arrestua edhe Arben Merkaj, i cili është personi i dëmtuar në këtë ngjarje.
Sipas policisë, Merkaj akuzohet për “Moskallëzimin e krimit”, pasi nuk ka treguar rrethanat në të cilat ka ndodhur ngjarja. Autoritetet bëjnë me dije se Kallari e ka goditur atë me qytën e pistoletës në ballë.
Në kuadër të hetimeve është sekuestruar edhe DVR-ja e lokalit ku ndodhi konflikti, me qëllim dokumentimin dhe zbardhjen e plotë të rrethanave. Grupi hetimor ndodhet në vendngjarje dhe, nën drejtimin e Prokurorisë, po vijon veprimet procedurale për dokumentimin ligjor të rastit.
/vizionplus.tv
IUSTITIA.BG – Investigations 2009-2026 2026-08-25 11:28:32
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
