Një anije mallrash në pronësi turke, që transportonte drithë nga Ukraina drejt Italisë, është goditur me dron dhe më pas është fundosur, pasi u përfshi nga flakët.
Dy marinarë humbën jetën, 11 u shpëtuan, ndërsa një tjetër rezulton ende i zhdukur. Anija “Royad Mammadov”, me flamur të Saint Kitts dhe Nevis, ishte nisur vetëm tri orë më parë nga porti ukrainas i Izmailit dhe po lundronte drejt Ravenës, kur u godit rreth 20 milje nga brigjet rumune.
Shpërthimet u pasuan nga një zjarr i fuqishëm në bord, ndërsa autoritetet rumune nisën një operacion të gjerë shpëtimi me anije dhe helikopterë.
Tre prej marinarëve të shpëtuar, me trauma të shumta, u transportuan në spitalin e Konstancës, por ndodhen jashtë rrezikut për jetën.Ende nuk dihet zyrtarisht se kush qëndron pas sulmit.
Presidenti ukrainas Volodymyr Zelensky akuzoi Rusinë, duke thënë se anija civile ishte goditur nga dy dronë rusë në ujëra neutrale. Ai e cilësoi ngjarjen një “sulm horror” dhe kërkoi rritjen e presionit ndaj Moskës për të garantuar sigurinë e lundrimit dhe të eksporteve ushqimore.
Episodi vjen pas një serie incidentesh me dronë pranë brigjeve rumune dhe rrit edhe më tej tensionin në Detin e Zi, një arterie jetike për eksportin e drithit ukrainas drejt tregjeve ndërkombëtare.
Ambasadori turk në Bukuresht, Özgür Kıvanç Altan, e ka quajtur ngjarjen “të trishtueshme dhe shqetësuese”, duke theksuar se Turqia mbështet sigurinë, stabilitetin dhe lirinë e lundrimit në Detin e Zi. Presidenti Rexhepe Tajip Erdogan ka reaguar më parë për sulmet ndaj anijeve civile në Detin e Zi, duke i cilësuar ato “të papranueshme”.
Në fund të shtatorit, pati një tjetër sulm po në Detin e Zi ndaj një tjetër anijeje turke, ‘Aroyat’, incident ky pas të cilit rezultoi i zhdukur inxhinjeri i dytë në bordin e saj, shqiptari Erkan Nika.
Sulm me dronë në Detin e Zi, fundoset anija turke, dy të vdekur 2026
IUSTITIA.BG – Investigations 2009-2026 2026-10-06 18:04:29
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
