Një ngjarje tragjike është regjistruar në SHBA, ku një foshnjë 1-vjeçare, Cohen Wiley, humbi jetën pasi u qëllua nga një efektiv policie gjatë një incidenti me armë zjarri në qytetin Senatobia, pranë Memfisit.
Ngjarja ndodhi më 14 qershor, pasi policia mori një telefonatë për një vjedhje të pretenduar të një pakete pelenash. Në automjet ndodheshin nëna e foshnjës, Velesia Wiley, dhe shoqja e saj, Latoya Ferrell.
Në pamjet e publikuara shihen efektivët duke rrethuar makinën dhe duke u kërkuar dy grave të ndalonin. Sipas raportimeve të policisë, drejtuesja e automjetit tentoi të largohej, duke lëvizur në drejtim të efektivëve, çka bëri që ata të hapnin zjarr.
VIDEO- Momenti kur policia qëllon mbi makinën
Gjatë të shtënave, një plumb goditi për vdekje foshnjën, e cila ndodhej në krahët e nënës së saj. Sipas dokumenteve policore, efektivi Hunter Foster qëlloi brenda automjetit, duke vrarë të miturin dhe duke plagosur Ferrell.
Prokuroria: Të shtënat ishin të justifikuara
Publikimi i videos vjen pasi zyra e Prokurores së Përgjithshme të Misisipit, Lynn Fitch, njoftoi se të shtënat ishin të justifikuara.
Edhe Byroja e Hetimeve të Misisipit, e cila hetoi ngjarjen, pretendoi se drejtuesja e makinës lëvizi drejt policëve dhe për pak sa nuk goditi njërin prej tyre.
Megjithatë, avokati i të drejtave civile Ben Crump, i cili përfaqëson familjen e viktimës, publikoi rezultatet e një autopsie të pavarur. Sipas saj, nëna e foshnjës u qëllua nga ana e automjetit dhe jo nga pjesa e përparme, një detaj që ngre pikëpyetje mbi rrethanat e incidentit.
Hetimi dhe deklaratat e palëve kanë rikthyer vëmendjen te përdorimi i forcës nga policia dhe rrethanat në të cilat humbi jetën foshnja 1-vjeçare.
IUSTITIA.BG – Investigations 2009-2026 2026-10-22 12:48:21
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
