U zhvillua këtë të premte, më 17 prill, protesta e radhës e Partisë Demokratike përpara Kryeministrisë, në vijim të aksioneve opozitare kundër qeverisë. Lidhur me këtë tubim, gazetari Fatos Mahmutaj, i ftuar në emisionin “Ora e Fundit” në ABC News, kritikoi ashpër mënyrën e organizimit dhe qëllimin e protestave të opozitës.
Sipas Mahmutajt, protestat duhet të mbështeten mbi kauza të qarta për të tërhequr qytetarët, ndërsa akuzoi ish-kryeministrin Sali Berisha se po organizon tubime pa një objektiv të mirëpërcaktuar dhe në funksion të interesave të ngushta politike. Ai vuri në pikëpyetje efektivitetin e protestave me pjesëmarrje të ulët, duke theksuar se me një numër të kufizuar mbështetësish nuk mund të arrihen ndryshime politike.
Gazetari ngriti gjithashtu shqetësime për mënyrën e zhvillimit të protestave, duke kritikuar oraret e tyre dhe duke e cilësuar si të papranueshëm përfshirjen e fëmijëve apo përballjen me forcat e rendit, të cilat sipas tij janë në krye të detyrës. Në analizën e tij, Mahmutaj theksoi se opozita duhet të fokusohet në organizimin e qytetarëve rreth çështjeve konkrete, ndërsa shtoi se aktualisht ajo duket e paqartë në drejtimin e saj politik.
“Njerëzit i nxjerr në shesh vetëm kauzat. Berisha i bën protestat natën, si punë kaçakësh. Berisha proteston një herë sa për t’u dukur, protestat zgjedh që t’i bëjë natën për të manipuluar numrin e vogël të mbështetësve. Pse me 50-60 vetë do e rrëzojë Berisha, Ramën?! Unë nuk arrij që ta konceptoj dot këtë lloj mendimi. Çfarë faji ka polici, që po bën detyrën e tij. Është një rast absurd përdorimi i fëmijëve për të mbuluar dhunën. Ndërkohë opozita e cila duhet të gjitha mundësitë për të organizuar shqiptarët në kauza, ajo ndërkohë nuk e di se ku është vetë. Berisha dhe familja e tij, protestojnë për hallet e veta. Protesta e PD, është pa kauza. Ç’kusur ka populli që t’u shkojë nga mbrapa dhe të bëhet mish për top. Berisha ushqehet vetëm me inatet e qytetarëve ndaj qeverisë”, tha Mahmutaj.
“Pse me 50-60 vetë do e rrëzojë Berisha, Ramën?!”/ Mahmutaj: Protesta e PD është pa kauza, nuk ka mbështetës 2026 IUSTITIA.BG – Investigations 2009-2025 2026-04-17 22:15:12
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
