Në emisionin “Gjithë Rrugët Çojnë në Romë”, gazetari Artur Nura zhvilloi një intervistë me kryetarin e Bashkisë së Orsognës, Andrea Marinucci, i cili shprehu vlerësime të larta për komunitetin shqiptar që jeton prej dekadash në këtë qytet italian.
Marinucci theksoi se shqiptarët janë tashmë një pjesë e rëndësishme e jetës sociale dhe ekonomike të Orsognës, duke u dalluar për integrimin e suksesshëm, angazhimin në punë dhe pjesëmarrjen aktive në aktivitetet e komunitetit.
Një vëmendje e veçantë gjatë bisedës iu kushtua shkollës së gjuhës shqipe, një projekt që prej më shumë se 20 vitesh drejtohet nga Silvana Dogani. Kryebashkiaku konfirmoi mbështetjen e vazhdueshme të institucionit që ai drejton, duke vënë në dispozicion ambiente dhe ndihmë logjistike për zhvillimin e aktivitetit arsimor dhe kulturor.
Ai vlerësoi gjithashtu rolin e Silvana Doganit si ndërmjetëse kulturore dhe sociale, duke e cilësuar atë si një pikë referimi jo vetëm për shqiptarët, por për të gjitha komunitetet e huaja që jetojnë në Orsogna.
Gjatë intervistës, kryebashkiaku nënvizoi se shqiptarët marrin pjesë aktivisht në jetën publike të qytetit, në shkolla, aktivitete kulturore dhe në “Festën e Popujve”, një manifestim tradicional ku komuniteti shqiptar është gjithmonë protagonist me kulturën, muzikën dhe traditat e tij.
Marinucci foli edhe për ceremonitë e marrjes së shtetësisë italiane, duke theksuar se ato zhvillohen në mënyrë solemne në bashki dhe se shumë qytetarë shqiptarë kanë përfituar ndër vite shtetësinë italiane, si rezultat i integrimit të tyre të plotë në shoqërinë vendase.
Duke kujtuar valën e parë të emigracionit shqiptar në fillim të viteve ’90, ai theksoi se familjet e para shqiptare gjetën në Orsogna një komunitet mikpritës, duke hapur rrugën për ardhjen e shumë të tjerëve.
Intervista u mbyll me një mesazh miqësie dhe respekti për komunitetin shqiptar, duke konfirmuar edhe një herë marrëdhëniet e shkëlqyera që ekzistojnë mes shqiptarëve dhe qytetit italian të Orsognës.
Intervista e plotë:
Artur Nura : Përshëndetje zoti Kryetar, është kënaqësi t’ju vizitojmë në qytetin tuaj.
Andrea Marinucci : Faleminderit që erdhët në qytetin tonë. Faleminderit që vizituat Orsognën.
Artur Nura : Më kanë thënë se komuniteti shqiptar këtu është shumë dinamik.
Andrea Marinucci : Po, është një komunitet që tashmë është i pranishëm prej disa dekadash. Është një realitet shumë i integruar në territorin tonë. Shumë prej tyre kanë aktivitete private, veçanërisht në sektorin e ndërtimit. Pra, është një bashkëjetesë që ka ecur shumë mirë gjatë këtyre viteve.
Artur Nura : Unë kam ardhur këtu edhe për t’u treguar telespektatorëve tanë të ABC News Albania historinë e shkollës së gjuhës shqipe. A e mbështet bashkia këtë projekt?
Andrea Marinucci : Po, ne e mbështesim plotësisht këtë nismë që prej më shumë se njëzet vitesh drejtohet nga Silvana Dogani, e cila është shpirti dhe nismëtarja kryesore jo vetëm e komunitetit shqiptar, por edhe e të gjitha komuniteteve të emigrantëve që jetojnë në bashkinë tonë.
Artur Nura : A është ajo punonjëse e bashkisë suaj?
Andrea Marinucci : Ajo bashkëpunon me bashkinë përmes shërbimeve sociale si ndërmjetëse kulturore. Ka gjithashtu një zyrë ku pret dy herë në javë qytetarët e huaj që kanë nevojë për ndihmë ose këshillim lidhur me procedura të ndryshme administrative.
Artur Nura : Do të doja të dija nga ju, për shkollën e gjuhës shqipe, çfarë mbështetjeje jep shteti italian?
Andrea Marinucci : Mendoj se shteti italian nuk jep ndonjë mbështetje të drejtpërdrejtë. Ne si bashki kemi vënë gjithmonë në dispozicion ambientet dhe, nëse ka nevojë për diçka tjetër, jemi gjithmonë të gatshëm të ndihmojmë. Kjo sepse bashkëjetesa funksionon shumë mirë dhe ne ndihemi të detyruar të japim kontributin tonë.
Artur Nura : Ndërkohë, kjo punë bëhet në mënyrë vullnetare, apo jo?
Andrea Marinucci : Po, është një aktivitet vullnetar, i organizuar nga Silvana Dogani së bashku me mësuese të tjera që ndër vite janë alternuar.
Duhet të them gjithashtu se Silvana, përveç kësaj, bashkëpunon çdo vit me ne edhe për shkollën e gjuhës italiane për të huajt. Kjo është shumë e rëndësishme sepse i ndihmon qytetarët të integrohen gjithnjë e më shumë në komunitetin tonë. Njohja e gjuhës është diçka themelore. Edhe në këtë aspekt, si në shumë të tjera, Silvana na jep një ndihmë dhe një kontribut të madh.
Artur Nura : Edhe komuniteti shqiptar këtu duket shumë aktiv. A merr pjesë në jetën shoqërore të bashkisë?
Andrea Marinucci : Po, absolutisht. Merr pjesë në shkollë dhe në çdo iniciativë tjetër. Është shumë i integruar.
Siç thashë, shumë prej tyre kanë aktivitete private, prandaj është një komunitet që punon dhe angazhohet. Shkojmë shumë mirë me njëri-tjetrin.
Pastaj, çdo vit, edhe këtu është dora e Silvanës, organizohet Festa e Popujve, që zhvillohet nga fundi i gushtit. Gjatë saj organizohen valle, këngë dhe aktivitete të ndryshme, ku komuniteti shqiptar është gjithmonë protagonist.
Artur Nura : Një pyetje teknike, zoti Kryetar. Kur një qytetar shqiptar merr shtetësinë italiane, a vjen në bashki për ceremoninë zyrtare?
Andrea Marinucci : Po, sigurisht. Ata vijnë në zyrën time dhe unë i pres me shiritin trengjyrësh të kryetarit të bashkisë, për t’i dhënë rëndësinë dhe vlerën e duhur këtij akti. Është një moment formal shumë i rëndësishëm.
Artur Nura : Keni zhvilluar shumë ceremoni të tilla Kam parë se ka shumë shqiptarë këtu.
Andrea Marinucci : Po, është një aktivitet që e bëjmë shpesh gjatë vitit dhe jam gjithmonë i lumtur ta kryej.
Artur Nura : Pra mund të themi se shqiptarët këtu janë të integruar, jo të asimiluar?
Andrea Marinucci : Jo, jo. Ata janë të integruar në komunitetin tonë. Marrin pjesë në të gjitha aktivitetet, në shkollë dhe në çdo nismë që organizohet. Janë gjithmonë të pranishëm.
Shkojmë vërtet shumë mirë me njëri-tjetrin. Nuk kemi pasur kurrë probleme gjatë këtyre viteve. Kjo sepse ekziston një harmoni e vërtetë. Është një komunitet që ka dëshirë të punojë dhe të kontribuojë.
Dhe, po e përsëris, falë edhe Silvanës, e cila ka dhënë një kontribut shumë të rëndësishëm. Të kesh një pikë referimi si ajo për ata që vijnë në Orsogna është diçka shumë e vlefshme.
Artur Nura : Pyetja e fundit. Si qytetar, a i kujtoni vitet e para kur erdhën shqiptarët e parë dhe kur ekzistonte edhe njëfarë frike ndaj emigracionit?
Andrea Marinucci : Po, vala e parë erdhi kur ndodhën ndryshimet në Shqipëri.
Artur Nura : Në vitet 1991–1992.
Andrea Marinucci : Pikërisht. Ajo ishte periudha e parë. Erdhi grupi i parë i familjeve që hapën rrugën për të tjerët. Më pas panë se në Orsogna jetohej mirë dhe lajmi u përhap nga njëri tek tjetri. Kuptuan se ishte një komunitet që i priste me krahë hapur dhe kështu, pak nga pak, numri i tyre u rrit gjithnjë e më shumë.
Artur Nura : Ishte kënaqësi t’ju intervistonim dhe të dëgjonim fjalë kaq të mira për shqiptarët në qytetin tuaj, Orsogna. Faleminderit shumë dhe punë të mbarë.
Andrea Marinucci : Faleminderit juve. Punë të mbarë dhe mbrëmje të këndshme.
Artur Nura : Nuk bëri gjë tjetër veçse foli mirë për ju.
Andrea Marinucci : Faleminderit shumë.
Shkolla e parë shqipe në Itali: Histori identiteti! Brezi i ri rritet dygjuhësh në Itali 2026 IUSTITIA.BG – Investigations 2009-2025 2026-06-03 20:52:42
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
