Një incident alarmues është shënuar në një fluturim të American Airlines, pasi një laptop i një pasagjeri mori flakë brenda kabinës. Ngjarja ndodhi në fluturimin 2398, i cili ishte nisur nga Atlanta drejt aeroportit ndërkombëtar të Dallasit, me 133 persona në bord.
Piloti njoftoi kontrollin ajror se kishte rënë zjarr në pjesën e pasme të avionit dhe se stjuardesat po përpiqeshin ta shuanin. Fillimisht u raportua se rreth katër ose pesë pasagjerë mund të kishin pësuar djegie nga laptopi, por ky informacion nuk u konfirmua më vonë.
Avioni u ul në mënyrë të sigurt në Dallas. Sipas autoriteteve të aeroportit, vetëm një pasagjer mori ndihmë mjekësore dhe më pas u largua, pa pasur nevojë për shtrim në spital. Kompania ajrore vlerësoi reagimin e shpejtë dhe profesional të ekuipazhit, i cili izoloi pajisjen dhe vuri situatën nën kontroll.
Incidenti rikthen në vëmendje rrezikun që paraqesin bateritë e litiumit në pajisjet elektronike. Sipas FAA-së, këto bateri mund të mbinxehen dhe të shkaktojnë zjarr, veçanërisht në rast dëmtimi, mbingarkimi ose mbinxehjeje. Një nga rreziqet kryesore është fenomeni i njohur si “thermal runaway”, ku temperatura e baterisë rritet në mënyrë të pakontrolluar.
Sipas të dhënave të FAA-së, që nga fillimi i vitit 2026 janë regjistruar të paktën 56 incidente në fluturime që lidhen me bateritë e litiumit, përfshirë raste tymi, zjarri ose mbinxehjeje. Rasti i fundit me avionin e American Airlines nuk shkaktoi dëmtime serioze, por tregon edhe një herë se një pajisje elektronike mund të kthehet shumë shpejt në rrezik brenda një avioni.
/vizionplus.tv
IUSTITIA.BG – Investigations 2009-2026 2026-08-23 07:41:35
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
