Shpërthimi i një bombole gazi në një banesë dykatëshe në fshatin Markatomaj të Lezhës ka shkaktuar plagosjen e gjashtë anëtarëve të një familjeje.
Ngjarja ka ndodhur rreth orës 20:30, në një moment kur familjarët ndodheshin së bashku.
Në rrethana ende të paqarta, bombola e gazit ka shpërthyer, duke shkaktuar dëmtime të konsiderueshme në banesën dykatëshe. Fatmirësisht, në momentin e shpërthimit, pjesa më e madhe e familjarëve ndodheshin në oborr, ndërsa gjashtë prej tyre kanë mbetur të plagosur.
Menjëherë pas ngjarjes, në vendngjarje kanë mbërritur shërbimet zjarrfikëse, ambulanca dhe Policia, të cilat kanë ndërhyrë për të vënë situatën nën kontroll dhe për t’u dhënë ndihmën e parë të plagosurve.
Të gjashtë të plagosurit janë transportuar drejt spitalit të Lezhës për të marrë ndihmë mjekësore. Njëri prej tyre, për shkak të gjendjes shëndetësore, është nisur drejt Tiranës për trajtim më të specializuar.
“Rreth orës 20:30, në një banesë në pronësi të shtetasit S. K., 40 vjeç, në fshatin Markatomaj, Lezhë, dyshohet se ka shpërthyer një bombol gazi.
Si pasojë e shpërthimit, kanë marrë dëmtime dy fëmijë të mitur, 10 dhe 13 vjeç, pronari i banesës, shtetasi S. K., 40 vjeç, si dhe shtetaset L. U., 64 vjeçe, L. B., 70 vjeçe dhe V. Gj., 58 vjeçe.
Shërbimet e Policisë kanë shkuar menjëherë në vendngjarje dhe kanë ndihmuar në transportimin e të dëmtuarve në Spitalin Rajonal të Lezhës.
Shtetasi S. K. është transportuar në Spitalin e Traumës, Tiranë, për trajtim më të specializuar, ndërsa personat e tjerë të dëmtuar ndodhen në Spitalin Rajonal të Lezhës, ku po marrin mjekim dhe janë jashtë rrezikut për jetën.
Në vendngjarje ndodhet grupi hetimor, i cili po punon për dokumentimin e plotë të rastit dhe sqarimin e rrethanave të ngjarjes”, njofton policia.
/vizionplus.tv
IUSTITIA.BG – Investigations 2009-2026 2026-08-29 19:09:30
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
