Gazetarja e Vizion Plus, Blerina Cene ka siguruar dosjen hetimore ku zbardhet minutë pas minute dinamika e vrasjes së turistit portugez në Ksamil.
E gjithë përplasja jashtë lokalit ka zgjatur gjashtë minuta. Në orën 5 e 14 minuta e 24 sekonda të datës 18 gusht, pas përplasjes që kishin pasur brenda në lokalin “Principotes” dalin 4 persona dhe qëndrojnë te rëra e ambienteve të jashtme të plazhit “Paradise”.
Vetëm pak më vonë, në 05:15:22, nga ana e parkimit në pjesën jugore të “Principote” afrohen dy persona, David Heurtevent dhe Sokrat Lipan, i njohur edhe si Sokrat Vata. Ky i fundit është i veshur me një këmishë të bardhë dhe shkon në drejtim të grupit ku ndodheshin shtetasit e huaj. Në 05:16:39, kamerat regjistrojnë momentin kur Sokrat Vata përplaset me një person të veshur me të bardha. Pas shtyrjes, ai largohet në drejtim të shezlongëve. Vetëm disa sekonda më pas, në 05:16:47, Vata ndjek një prej personave në drejtim të parkimit.
Situata përshkallëzohet më tej në 05:16:54. Sipas dosjes, Sokrat Vata kthehet me vrap në drejtim të Ibrahim Lemoie, i cili përplaset me shezlongët dhe bie në tokë. Vata ngrihet dhe afrohet dhe e godet. Në këtë moment ndërhyn Luis Mendes.
Në 05:17:14, 20-vjeçari afrohet dhe e shtyn me trup Sokrat Vatën, i cili bie në tokë. Por, sipas përshkrimit të pamjeve, menjëherë pasi ngrihet, Vata i afrohet Mendesit dhe nis ta godasë. Përleshja përfshin edhe persona të tjerë. Në 05:17:20, David Heurtevent dhe Sokrat Vata godasin Luis Mendesin. Në të njëjtën kohë, Sudae Akhmat afrohet për të ndihmuar shokun e tij dhe godet Sokrat Vatën.
Situata vijon të jetë kaotike. Në intervalin 05:17:35–05:17:46, Serxhi Selimi godet Ibrahim Lemoien me grushte, ndërsa Luis Mendes, për t’u larguar nga goditjet që po merrte nga Sokrat Vata dhe David Heurtevent, largohet me nxitim dhe futet në det.
Por edhe pasi largohet nga përleshja kryesore, konflikti nuk përfundon. Në 05:17:53, Luis Mendes afrohet nga pjesa jugore e plazhit, në zonën ku ndodhen kamarierët. Sipas dosjes, aty goditet me grushte nga Serxhi Ademi dhe më pas shtyhet në det. Vetëm disa sekonda më vonë, në 05:18:04, Mendes del nga uji dhe ecën në drejtim të shezlongëve të plazhit “Paradise”. Në pamjet e kamerave, ai duket me bluzën e bardhë të gjakosur.
Ndërkohë, në 05:18:24, David Heurtevent largohet drejt ambienteve të brendshme të “Principote”. Në dosje thuhet se ai dallohet i gjakosur në pjesën e përparme të veshjeve.
Dy minuta më pas, në 05:20:28, largohet edhe Sokrat Vata. Sipas pamjeve të administruara në dosje, ai ka bluzën e bardhë të gjakosur dhe shoqërohet nga pas nga kamarieri Ildi Cekani në drejtim të ambienteve të “Principote”.
Pjesë nga dosja hetimore:
Në orën 05:14:24 të datës 18.08.2026 vërehen se nga ambientet e lokalit “Principodes vërehen se dalin disa shtetas dhe qëndrojne tek rera e ambienteve të jashtme të subjektit “Paradise’, ku ndër ta janë të identifikuar shtetasit Ibrahim Lemoie, Sudae Akmahmat, Florian Cetina dhe Luis Mendes i veshur me një bluze të bardhe me një shkrim me ngjyrë të zezë nga mbas.
Në orën 05:15:22 të datës 18.08.2026 nga ana e parkimit në anën jugore te Principotes vërejmë që afrohen dy shtetas konretisht Davit Heuertvent përpara dhe Sokrat Lipan (Vata), i veshur me të këmishë të bardhë. në vendin ku ndodheshin shtetasit e huaj. Në orën 05:16:39 shtetasi Sokrat Lipan (Vata), vërehet se shtyhet me një person të veshur me bluze me ngivrë të bardhë dhe Sokrati vërehet se largohet prej tu dhe shkon në drejtim të shezlloniave. Në orën 05:16:47 shtetasi Sokrat Lipan ndjek një nga personat i cili është i veshur me të bardha dhe Sokrati i ndjek nga mbas në drejtim të parkimit
Në orën 05:16:54 shtetasi Sokrat Lipan (Vata), vërehet se vjen me vrap në drejtim të shtetasit Ibrahim Lemoie, i cili përplaset në shezllone dhe bie në tokë dhe Sokrati e godet në drejtim të tij.
Në orën 05:17:14 në këto momente afrohet shtetasi Luis Mendes dhe shtyn me trup shtetasin Sokrat Lipan, i cili bie në tokë. Shtetasi Sokrat Lipan (Vata), ngrihet nga toka dhe i afrohet shtetasit Luis Mendes dhe fillon dhe godet në drejtim të tij.
Në orën 05:17:20 shtetasi Davit Heuertventi veshur me tuta të shkurtra dhe një si në këmishë me ngivrë të errët së bashku me shtetasin Sokrat Lipan (Vata), godasin shtetasin Luis Mendes dhe gjatë kësaj kohe vien shtetasi Sudae Akhmat pet të ndihmuar shokun e tij shtetasin Luis Mendes dhe godet shtetasin Sokrat Lipan.
Në orën 05:17:35-05:17:46 shtetasi Serxhi Selimi godet shtetasin francez Ibrahim Lemoie me grushta, gjatë kësaj kohe shtetasi Luis Mendes për tu larguar nga goditjet që po merrte nga Sokrat Lipan dhe David Heurtevent largohet me nxitim duke u futur brenda në det.
Në orën 05:17:53 shtetasi Luis Mendes afrohet nga ana jugore e plazhit në vendin ku ndodhen kamarieret dhe goditet nga shtetasi Serxhi Ademi me grushta dhe e ata e shtyinë në det.
Në orën 05:18:04 shtetasi Luis Mendes del nga uji dhe ecen ne drejtim te shezllonave të plazhit paradise ku vërehet se bluzen e bardhë e ka të gjakosur.
Në orën 05:18:24 shtetasi Davit Heuertvent vërehet se largohet në drejtim të ambienteve të brendshme të Principotes, i cili dallohet që është i gjakosur tek piesa e përparme e teshave dhe po fshihet.
Në orën 05:20:28 largohet shtetasi Sokrat Lipan i cili bluzen e bardhë e ka të gjakosur dhe mbas tij është kamarieri Ildi Cekani i cili e shoqëron nga mbas në drejtim të lokalit te “Pricipotes”.
/vizionplus.tv
IUSTITIA.BG – Investigations 2009-2026 2026-08-22 16:56:19
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
