Edhe këtë të shtunë, në sheshin “Skënderbeu” në Prishtinë, u mbajt protesta “Jo në emrin tim” kundër aktgjykimit dënues ndaj drejtuesve të UÇK-së nga Gjykata Speciale në Hagë. Edhe në këtë protestë pati një pjesëmarrje masive e qytetarëve.
“Kërkesa jonë e 18 dite, identiteti ynë kombëtar sot ndodhet në tavolinën e këtij Kuvendi. Gjaku i dëshmorëve, UÇK-ja sot është në tavolinën e këtij kuvendi. Ne sot kemi ardhur këtu për t’u thënë votojeni ligjin. Nuk do të mundin ta vendosin këtë ligj në bankën rezervë të politikës për politikat e tyre ditore e për pazare për president. Nuk do të ketë Kosova president të zgjedhur në krah të UÇK-së”, tha organizatori i protestës, Çlirim Haziri.
Protestuesit e iniciativës “Jo në emrin tim” marshuan drejt njërës nga hyrjet e Kuvendit të Kosovës, ku kanë kërkuar votimin pa vonesë të ndryshimeve dhe plotësimeve në Ligjin për Dhomat e Specializuara.
Protestuesit lexuan një nga një emrat e 110 deputetëve të Kuvendit, duke u bërë thirrje që të veprojnë dhe ta votojnë projektligjin.
Ndërkohë, Kryetari i Partisë Demokratike të Kosovës, Bedri Hamza, u takua me kryeministrin Albin Kurti pasditen e të shtunës, ku pas takimit deklaroi se kërkesa e PDK-së është aprovimi final i Ligjit për Specialen dhe se në këmbim të kësaj, janë të gatshëm t’i japin votat për Presidentin.
“Pastaj Partia Demokratike e Kosovës është e gatshme në të njëjtën ditë, në seancën e radhës, për të biseduar dhe gjetur zgjidhjen për presidentin edhe t’i japim votat për presidentin. Bisedat i kemi përfunduar”
Ai shtoi se nuk mund të parashikojë nëse do të arrihet marrëveshje.Hamza theksoi se çështja që PDK-ja ka ngritur për ndryshimin e Ligjit për Dhomat e Specializuara nuk lidhet me nevojat e partisë, por me një çështje tjetër që, sipas tij, tejkalon PDK-në.
Takimi Kurti-Hamza vjen pasi Qeveria e Kosovës vlerësoi mbrëmë në orë të vona se nuk ka pengesa ligjore për nismën e Partisë Demokratike të Kosovës (PDK) për ndryshimin e Ligjit për Dhomat e Specializuara dhe Zyrën e Prokurorit të Specializuar. Ndërkohë që afati i fundit për zgjedhjen e presidentit është 6 tetori.
IUSTITIA.BG – Investigations 2009-2026 2026-10-03 22:25:57
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
