Nga Ylli Pata
Arritjen e një revolucioni që nuk i shqitet Edi Ramës, protesta e flamingove ja ka arritur. Ky është një fenomen social, mediatik që ka vendin e këndin e tij në panoramën e Tiranës së treguar nga jashtë.
Dje nga protesta, pjesëtarët bënë të ditur se të martën do të sulmojnë deputetët me vezë te Kuvendi që nis sezoni i ri, ndërsa nga ana tjetër Luçiano Boçi deklaroi se deputetët e PD-së do të radikalizojnë qëndrimet e tyre në sallë.
Stina politike pra do të rinisë me një radikalizim e tensionim, një film i parë dhe pllakë e ridëëgjuar, për të cilën Edi Rama ka gjasa të risjellë batutën e Gjeneral Gramafonit për “La Voce del padrone”.
Revolucioni permanent i instaluar me nisjen e protestave të flamingove, edhe pse një stand off politik të kataloguar, ka megjithatë një menu që arrihet të shihen sjelljet dhe qëllimet e tij nga shtatori.
Edhe pse dy grupet bazike të “kolonelëve të Flamingove” pasi u sherrosën keqas disa herë me radhë, e më pas arritën unitetin duke shtrënguar duart, në fakt shpërndanë në eter një sinjal politik të përbërjes bazike të këtij revolucioni.
Pra këmbësoria politike e PD-së së Sali Berishës dhe grupet e majta pranë Arlind Qorit, të cilët e dominojnë le të themi këtë konfiguracion që është krijuar në bulevard.
Dy palët, megjithatë maksimumi hapësirën e veprimit e kanë tek veprimet taktike të tyre; herë radikalozi e tension, e herë qetëso situatën sipas rrethanave, kohës, hapësirës dhe natyrisht njerëzive që do të vijnë në shesh.
Por kjo panoramë nuk është një zhvillim politik, është një mbajtje me forcë e protestës në bulevard, për ta institucionalizuar protestën si prezencë, si “qëndrestari”.
Nuk është e rastit që përfaqësuesit e flamingove në daljet e tyre televizive, i mëshojnë fort aspektit të protestës që nuk ka lëvizur por ka qenë konseguente që prej fillimit të qershorit edhe sot.
Por a është konsistenca e kësaj proteste në bulevard një fakt politik? Kur nisi dhe në kulmin e saj, ajo ishte jo vetëm një fakt e akt politik, por një zhvillim determinant i jetës politike shqiptare.
Për të cilin është folur vazhdimisht dhe është lakuar në të gjitha rastet. Duket qartë se synimi politik i revolucionit permanent është të krijojë dhe mbajë gjallë frymën e një tensioni politik në ajër. i frymës së fortë anti-qeveri e anti-mazhorancë edhe në imazh por edhe në pjesëmarrje publikę në gjuhën e komenteve aktive në rrjetet sociale.
Një manual i njohur kjo për të gjitha forcat e reja populiste që kanë dalë me shumicë në dekadën e fundit. Logjika anti establishment, irritimi ndaj statusquo-së, apo siç do ta quante Beppe Grillo lëvizja: “Vaffa…”, megjithatë është shoqëruar së pari me një narracion politik real, domethënë aktivizimi në fushatat elektorale dhe luftën politikë në Kuvend, si dhe krijimin e një lidershipi.
Ndërkaq, flamingot pasi nuk arritën dot operacionin Blitzkrieg të qershorit, tani objektivi politik më i pritshëm është kohezioni i një lëvizje politike dhe dalja në fushatën për zgjedhjet vendore.
Guerriljet taktike të dy grupeve “të armatosura” do të kenë sipas të gjitha gjasave një metamorfozë me afrimin e zgjedhjeve locale, ndërkohë që acarimi e tensionimi nuk duket se çon ujë në mullirin e këmbësorisë më të rëndësishme në boulevard, që është ajo e PD-së, të cilën e drejton apo përfaqëson një ish-truprojë i Sali Berishës.
Katalogu politik i revolucionit permanent 2026
IUSTITIA.BG – Investigations 2009-2026 2026-09-06 19:03:20
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
