Kosova ka shënuar një tjetër hap të rëndësishëm në zhvillimin e futbollit të të rinjve me funksionalizimin e ‘FIFA Talent Academy Kosovo’, një projekt i veçantë që synon të identifikojë dhe zhvillojë talentet e reja të futbollit.
Një ngjarje e veçantë është organizuar në Kampin Nacional të FFK-së në Hajvali, ku u mblodhën drejtues të Federatës së Futbollit të Kosovës, përfaqësues të FIFA-s, trajnerë të ekipeve kombëtare, përfaqësues të klubeve të Superligës, ish-futbollistë të gjeneratës së artë, si dhe prindër të futbollistëve të rinj.
FIFA Talent Academy Kosovo është akademia e parë e këtij lloji në Ballkan dhe njëra nga vetëm katër Akademitë e Talenteve të FIFA-s që janë aktive në Evropë.
Akademia është plotësisht funksionale që nga fillimi i vitit 2026 dhe ofron një model të integruar për zhvillimin e futbollistëve të rinj.
Sipas këtij modeli, talentet stërviten katër ditë gjatë javës në akademi, ndërsa në fundjavë vazhdojnë të jenë pjesë e klubeve të tyre, duke ruajtur kështu lidhjen me ekipet ku aktivizohen.
Një komponent i rëndësishëm i projektit është edhe akademia paralele për vajza, e cila synon të krijojë mundësi të barabarta për identifikimin dhe zhvillimin e talenteve në futbollin e femrave.
Akademia është pjesë e Talent Development Scheme (TDS) të FIFA-s, programit global për zhvillimin e talenteve, i udhëhequr nga ish-trajneri i Arsenalit dhe drejtuesi i zhvillimit global të futbollit në FIFA, Arsene Wenger.
Ky projekt përfaqëson një investim afatgjatë në gjeneratat e reja dhe synon të krijojë një bazë të qëndrueshme për prodhimin e futbollistëve të nivelit të lartë për klubet dhe ekipet kombëtare të Kosovës.
E para në Ballkan! Një fabrikë e re talentesh në Kosovë, projekti i FIFA-s merr jetë në Hajvali 2026
IUSTITIA.BG – Investigations 2009-2026 2026-09-04 10:34:43
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
