Ministrja e re e Shëndetësisë, Klodiana Spahiu ka pezulluar procedurën për tenderin e hemodializës në 5 spitale rajonale dhe ka urdhëruar ngritjen e një grupi auditimi të posaçëm për të verifikuar të gjithë praktikën konçesionare.
Fituese ishte shpallur kompania ndërkombëtare me qendër në Suedi, Diaverum.
Por ngrirja e kësaj procedure, bashkë me shkarkimin e administratores së njësisë që e zhvilloi atë, Operatorit të Shërbimeve të Integruara të Kujdesit Shëndetësor, kanë qenë firmat e para të ministres Spahiu.
Zhvillime këto, që kanë shkaktuar debate në seancën plenare të së enjtes mes ministres dhe deputetit demokrat Bardh Spahia.
“Mjafton të shohim një nga procedurat e tenderimit nga struktura e re. Bëhet fjalë për kontratën 4 -vjecare për shërbimin e hemodializës. Për një kontratë prej afro 60 milionë eurosh është paraqitur vetëm 1 ofertues dhe nuk ka pasur konkurrencë”, tha Spahia.
Në përgjigjen e saj nga foltorja e Kuvendit, Ministrja Spahiu bëri të ditur se procedura e tenderit është vënë në sitën e verifikimeve dhe se asnjë hap nuk do të hidhet përpara se të flasë grupi i auditimit të ngritur prej saj.
“Ato që the ti janë gënjeshtra. Do presim grupin e auditimit dhe do marrim vendimet e duhura. Një nga arsyet ishte hapi im i parë për të ngritur një grup auditimi ishte kjo, që ne, nëpërmjet OSHISH të mundohemi që atë ne e ofrojmë, pra që kemi kapacitete të mjaftueshme për ta ofruar sot ne si shtet, ta ofrojmë ne”, tha Spahiu.
Pezullimi i ecurisë së procedurës do të jetë në fuqi deri në sqarimin e plotë të praktikës ligjore dhe financiare.
Tenderi në fjalë lidhet me vijimësinë e shërbimit të dializës në rrethe, i cili më herët ofrohej përmes kontratës së Partneritetit Publik Privat nga kompania DiaVita, shoqëri e blerë në vitin 2019 nga grupi suedez Diaverum.
Ministria pezullon tenderin e Hemodializës! Audit pas shkarkimit të administratores së OSHISH 2026
IUSTITIA.BG – Investigations 2009-2026 2026-09-18 15:31:56
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
