Zëri i Shpat Kasapit rikthehet edhe një herë te publiku, këtë herë përmes një kënge që mbart një histori të veçantë dhe shumë emocione.
Gati një vit pas ndarjes së parakohshme nga jeta të këngëtarit të dashur, është publikuar projekti muzikor “A je rahat pa mu”, të cilin Selvije Jao e ka ruajtur për muaj të tërë, derisa ka gjetur forcën për ta ndarë me publikun.
Përmes një rrëfimi në Instagram, Selvija ka zbuluar se historia e kësaj kënge kishte nisur pak para se Shpati të hynte në “Big Brother VIP Albania 5”, eksperiencë që ai nuk arriti ta jetonte.
Sipas saj, këngëtari i kishte dërguar katër versione demo, duke i kërkuar të zgjidhte të preferuarin. Selvija kishte zgjedhur pikërisht këngën që sot është publikuar, ndërsa plani fillestar ishte që projekti të lansohej gjatë qëndrimit të Shpatit në shtëpinë e famshme.
Por gjithçka ndryshoi pas ndarjes së tij nga jeta në nëntor të vitit të kaluar.
Selvija ka treguar se rreth muajit mars ose prill, kënga i kishte mbërritur e përfunduar nga producenti Anton Prendi. Ajo ka falënderuar edhe Arti Rec dhe Imperial B për kontributin e tyre, duke veçuar përkushtimin dhe mbështetjen ndaj Shpatit.
Megjithatë, për muaj të tërë ajo kishte vendosur ta mbante këngën vetëm për vete, pasi emocionalisht nuk ndihej e gatshme ta ndante me të tjerët.
“Sot, titulli ‘A je rahat pa mu’ më dhemb më shumë se çdo fjalë tjetër”, ka shkruar ajo, duke treguar se kjo këngë sot ka marrë një kuptim krejt tjetër.
Në fund, Selvija e ka përshkruar publikimin si një amanet të Shpatit, përmes së cilit dëshiron që zëri i tij të vazhdojë të jetojë dhe të mos harrohet kurrë.
Kështu, “A je rahat pa mu” nuk është thjesht një tjetër projekt në repertorin e këngëtarit të ndjerë, por një kujtim i veçantë që tashmë do të jetojë edhe përmes muzikës së tij. /Prive.
Lajme të ngjashme:
Publikohet kënga e re e Shpat Kasapit – Selvija zbulon historinë prekëse që fshihet pas saj 2026
IUSTITIA.BG – Investigations 2009-2026 2026-10-10 19:47:05
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
