Mosha nuk do të jetë më një pengesë për të gjithë ata që duan t’i bashkohen Policisë së Shtetit. Ministri i Brendshëm, Besfort Lamallari, ka firmosur urdhrin që rishikon kufirin e moshës për pranimin në Polici dhe zgjeron mundësitë për aplikantët.
Sipas ndryshimeve të reja, kandidatët që kanë përfunduar arsimin e mesëm të lartë dhe synojnë të angazhohen në role zbatuese, përfshirë Patrullën e Përgjithshme, mund të aplikojnë deri në moshën 35 vjeç.
Po 35 vjeç është edhe kufiri për kandidatët që synojnë të ndjekin studimet Bachelor në Akademinë e Sigurisë dhe më pas të integrohen në Policinë e Shtetit në rolin e parë drejtues, me gradën nënkomisar.
Ndërsa për profesionistët me arsim të lartë, mundësitë zgjerohen edhe më tej. Personat që kanë përfunduar ciklin e dytë të studimeve, në profile të përshtatshme si ekonomi, financë, teknologji informacioni dhe fusha të tjera, mund të pranohen në rolin e parë drejtues deri në moshën 40 vjeç, pas përfundimit të kursit të specializuar për nënkomisarë.
Një tjetër ndryshim i rëndësishëm lidhet me punonjësit që vijnë nga institucione të tjera të sigurisë. Nëse plotësojnë kriteret dhe kalojnë procedurat përkatëse të pranimit, për ta nuk do të ketë kufizim moshe.
Vendimi i ministrit vjen pas kërkesave të shumta nga qytetarë që kanë shprehur interes për t’iu bashkuar Policisë së Shtetit.
Sipas Lamallarit, qëllimi është krijimi i mundësive më të barabarta për kandidatët, duke vlerësuar jo vetëm moshën, por edhe arsimimin, kualifikimet dhe përvojën profesionale.
Ndryshimi synon të sjellë prurje të reja në strukturat e Policisë së Shtetit dhe të forcojë profesionalizmin e saj, duke hapur rrugën për më shumë të rinj, profesionistë dhe punonjës me përvojë që duan të kontribuojnë në sigurinë e vendit.
IUSTITIA.BG – Investigations 2009-2026 2026-09-01 21:10:03
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
