Një zjarr i madh ka rënë mbrëmjen e sotme (22 shtator) në zonën e Gjirit të Lalzit, duke iu afruar me shpejtësi brezit të pishave dhe hoteleve në zonë.
Era po përhap me shpejtësi flakët dhe në vendngjarje ka mbërritur shërbimi zjarrfikës.
Në terren ndodhet dhe deputetja Manjola Luku, që thotë se shumë turistë ndodhen në hotelet e zonës dhe era po favorizon përhapjen e zjarrit.
Në mbështetje të zjarrfikësve të Durrësit kanë mbërritur mjete dhe forca nga Tirana, Kamza, Shijaku, Kavaja dhe AKMC.
Për shkak të rrezikut të afërt për jetën e qytetarëve, autoritetet kanë ndërmarrë menjëherë evakuimin e plotë të personave që ndodheshin në një kompleks turistik dhe në një banesë private pranë zonës së rrezikut.
Në terren po zhvillohet një operacion masiv nga strukturat zjarrfikëse dhe forcat e emergjencës për vënien nën kontroll të situatës. Angazhimi logjistik dhe njerëzor përfshin:
Bashkinë Durrës (MZSH) me 4 mjete zjarrfikëse dhe 1 autobot.
Ndërmarrjet e Bashkisë Durrës me 3 autobote mbështetëse.
Bashkinë Tiranë (MZSH) me 2 mjete zjarrfikëse dhe 1 autobot.
Bashkitë Shijak, Kavajë dhe Kamëz (MZSH) me nga 1 mjet zjarrfikës secila.
Agjencinë Kombëtare të Mbrojtjes Civile (AKMC) me 3 mjete zjarrfikëse dhe 40 forca të dërguara në mbështetje.
Operacioni paraqitet i vështirë për shkak të shtrirjes së gjerë të flakëve, ndërsa institucionet në bashkëpunim të ngushtë po mbajnë në gatishmëri të plotë kapacitetet e tyre deri në normalizimin e plotë.
Autoritetet u kanë bërë thirrje qytetarëve dhe vizitorëve që të shmangin lëvizjet e panevojshme drejt zonës së prekur dhe të ndjekin udhëzimet e tyre.
IUSTITIA.BG – Investigations 2009-2026 2026-09-22 21:42:09
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
