Një grua ka humbur jetën dhe dy persona të tjerë janë plagosur rëndë pas një sulmi me thikë në një azil të moshuarish në qytetin Olfen të Gjermanisë, mbrëmjen e së premtes, më 16 tetor. Njëri prej të plagosurve ndodhet në gjendje kritike për jetën, ndërsa autoritetet kanë nisur hetimet për zbardhjen e rrethanave të ngjarjes.
Sipas mediave gjermane, si autor i dyshuar është identifikuar një 72-vjeçar, banor i institucionit, i cili u arrestua nga policia pa bërë rezistencë. Sulmi ndodhi në azilin St. Vitus Stift, në rajonin e Coesfeld, pranë Dortmundit. Pas njoftimit për personat e plagosur, në vendngjarje mbërritën forca të shumta policie, zjarrfikës dhe ekipe të urgjencës mjekësore.
Sipas raportimeve, ndërhyrja e shërbimeve të emergjencës nisi rreth orës 20:39, ndërsa dy helikopterë shpëtimi u angazhuan për transportimin e të plagosurve. Njëri prej tyre, sipas mediave gjermane, u dërgua me helikopter në Spitalin Universitar të Münsterit. Megjithatë, autoritetet nuk kanë konfirmuar zyrtarisht identitetin dhe moshën e viktimave.
Sipas gazetës gjermane Bild, 72-vjeçari dyshohet se ka sulmuar me thikë disa persona dhe më pas është kthyer në dhomën e tij, ku u gjet nga efektivët e policisë. Mediat raportojnë se mund të jenë sulmuar deri në katër persona, por policia ka konfirmuar zyrtarisht një viktimë dhe dy të plagosur rëndë. Njëri prej tyre ndodhet në rrezik për jetën.
Motivet e sulmit mbeten ende të paqarta, ndërsa hetuesit po punojnë për të zbardhur dinamikën e ngjarjes dhe marrëdhëniet e mundshme mes të dyshuarit dhe viktimave. Policia ka bërë të ditur se nuk ka më rrezik për sigurinë e qytetarëve, ndërsa hetimet vijojnë për të përcaktuar plotësisht rrethanat e kësaj ngjarjeje të rëndë.
/vizionplus.tv
IUSTITIA.BG – Investigations 2009-2026 2026-10-17 07:54:24
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
