Gazetari Alban Dudushi ka komentuar protestat e të rinjve në Tiranë, duke u ndalur te reagimi i Policisë së Shtetit ndaj protestuesve dhe akuzat për përdorim të tepruar të forcës. Gjatë një interviste në edicionin maratonë të lajmeve në Vizion Plus, me Roland Zilin, Dudushi u shpreh se policia ka reaguar në mënyrë joprofesionale dhe se tejkalimet e efektivëve duhet të hetohen.
Megjithatë, ai theksoi se edhe policia është përballur me një situatë të pazakontë, duke qenë e papërgatitur për përmasat e përplasjeve dhe dhunën e ushtruar ndaj efektivëve që në ditën e parë.
Dudushi nënvizoi se ashpërsia e përplasjeve me protestuesit nuk mund të justifikojë sjelljen joprofesionale të policisë, ndërsa theksoi se e drejta për të protestuar duhet respektuar. Sipas tij, përdorimi i forcës nga policia duhet të kufizohet deri në momentin kur neutralizohet rreziku.
“Policia e ka tepruar, duhet të ketë kujdes, është sjellë në mënyrë joprofesionale. I kemi dëgjuar këto kritika. Edhe Avokati i Popullit ngriti shqetësimet e veta në lidhje me këtë histori. Është tronditëse të shikosh atë lloj dëmtimi që iu bë atij të riu në shesh. Kjo është tronditëse. Jo vetëm kjo, por edhe kur shikon një njeri që rrihet, është tronditëse, pavarësisht se çfarë mund të ketë bërë ai.
Duhet të kemi parasysh që policia gjendet në një situatë të cilën ajo po e përjeton vetë për herë të parë. Kjo situatë e ka kapur policinë të papërgatitur. Edhe goditja ndaj policisë ka qenë e ashpër që në ditën e parë. Gurët që u shkulën nga trotuaret shkuan në drejtim të policisë. A i justifikon kjo segmentet joprofesionale të policisë? Absolutisht jo.
Është e drejta jote të protestosh. Edhe dhuna ndonjëherë, kur je i mllefosur, edhe dhuna e ka justifikimin e vet. Por përballimi me dhunën është i pashmangshëm. Nëse ti e ushtron dhunën, do të presësh dhunë edhe nga ana tjetër. Tejkalimet nga ana e policisë duhet të hetohen të gjitha. Dhuna është deri në momentin që e neutralizon; në momentin që e neutralizon, dhuna është e pajustifikueshme”, tha gazetari Dudushi.
IUSTITIA.BG – Investigations 2009-2026 2026-10-17 11:18:18
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
