Në 28 shkurt 2026 aeroporti duhej të dorëzohej, gjë që s’ka ndodhur, pasi ende nuk ka asnjë operim.
Një nga aksionerët, Behgjet Pacolli, i cili ka dhënë intervistë për emisionin “Opinion”, në Tv Klan, është shprehur se puna është ndërprerë nga “pala e shtetit”, teksa kujtojmë se ka një vendim gjykate lidhur me këtë pretendim.
“Është gati. Unë prej 28 shkurtit jam duke e dekoruar aeroportin në brendësi. Infrastruktura e aeroportit nuk është gati. Ju e dini që prej 30 gushtit e këtej MAPKO nuk ka asnjë kontroll në kompaninë që i takon asaj, 98%. Nuk ka asnjë kontroll. Ne jemi zhveshur nga çdo mundësi e kontrollit, nga çdo vendimmarrje. Me vendim të gjykatave. Për gjykatat tuaj do bëhet një film, për arsye sepse ata janë gjykatës të cilët e zhveshin pa bazë ligjore, pa asnjë bazë ligjore, me një narracion të dikujt që vjen “MAPKO e ka shitur aeroportin””, u shpreh ai.
I pyetur se kush po e lufton Pacollin në Shqipëri, biznesmeni nuk dha ndonjë emër konkret, por u shpreh se puna në aeroport “është ndërprerë me dhunë”.
“Nuk e di, nuk dua të flas për njerëz të tjerë. Por, unë flas për atë se çfarë shoh. Prej 22 tetorit të vitit të kaluar e deri më tani, ka vendime gjykatash të cilat e kanë zhveshur MAPKO nga çdo vendimmarrje. A e dini ju se sot ndalen njerëzit e mi, inxhinierët e mi, nuk u lejohet të hyjnë në vendin e punës? A e dini ju se ne kemi qenë duke punuar, duke instaluar ndriçimin në pistë dhe kanë ardhur me dhunë, na kanë ndërprerë punën? A e dini që dhe pala e shtetit, policia, është palë e shtetit, vjen dhe na ndërpret punën? Por si? Me çfarë vendimi? Ma trego cili ka qenë vendimi i gjykatës që ne nuk duhet të punojmë?”, tha ai.
A do fillojë aeroporti i Vlorës këtë verë?
“Nëse aeroporti i Vlorës është i bllokuar prej 2%, jo këtë vit, por asnjëherë nuk mund të hapet. Nuk mundet”, ishte përgjigjja e Pacollit.
“Për gjykatat tuaja do bëhet film”, Pacolli: Me dhunë na ndërprenë punën… 2026 IUSTITIA.BG – Investigations 2009-2025 2026-04-13 21:56:35
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.


