
Partia Demokratike e Shqipërisë ka thirrur qytetarët në një protestë që do të zhvillohet mbrëmjen e sotme në bulevardin “Dëshmorët e Kombit”, përpara godinës së Kryeministrisë në Tiranë.
Tubimi pritet të nisë në orën 19:00 dhe të zgjasë deri në orën 22:00. Sipas njoftimit, protesta nuk parashikon risi në format, por do të rikthehen fjalimet politike, një vendim që duket se është marrë nga kryetari i PD, Sali Berisha.
Ky i fundit fillimisht do të shkojë në selinë e partisë dhe më pas do t’u bashkohet mbështetësve në shesh, ku pritet të mbajë edhe fjalimin kryesor.
Ndërkohë, Policia e Tiranës ka bërë të ditur se ka marrë të gjitha masat për garantimin e rendit dhe sigurisë gjatë zhvillimit të tubimit, në përputhje me ligjin “Për tubimet”.
Për shkak të protestës, do të ketë kufizime të konsiderueshme në qarkullimin rrugor. Konkretisht:
- Nga ora 23:45 e datës 16 prill deri në përfundim të tubimit, është bllokuar lëvizja dhe ndalohet parkimi në bulevardin “Dëshmorët e Kombit”, nga zona e njohur si “Ura e Dajtit” deri në rrugën “Ismail Qemali”.
- Nga ora 15:00 e ditës së sotme deri në përfundim të protestës, do të bllokohet qarkullimi i automjeteve në segmentin nga kryqëzimi pranë Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.
Policia u bën thirrje organizatorëve të respektojnë afatet dhe vendin e përcaktuar për zhvillimin e tubimit, ndërsa qytetarëve u kërkon mirëkuptim për kufizimet e përkohshme në lëvizje.
Gjithashtu, autoritetet apelojnë që qytetarët të distancohen nga çdo veprim i kundërligjshëm që mund të cenojë rendin dhe sigurinë publike gjatë protestës.
PD protestë sot para kryeministrisë, bllokohen akset kryesore në Tiranë 2026 IUSTITIA.BG – Investigations 2009-2025 2026-04-17 06:57:31
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.


