Prej 15 netësh, thirrjet në mbështetje të UÇK-së vijojnë të dëgjohen në shesh, ndërsa protestuesit kërkojnë që institucionet e Kosovës ta trajtojnë me seriozitet historinë dhe sakrificën e luftës.
Ata edhe një herë bënë thirrje për lirimin e Hashim Thaçit, Jakup Krasniqit, Kadri Veselit dhe Rexhep Selimit, duke thënë se vendimi dënues nga Haga “nuk është në emrin e tyre”.
Po ashtu, iu bë thirrje Qeverisë së Kosovës që të procedojë urgjentisht në Kuvend për miratim të projektligjit për ndryshim-plotësimin e Ligjit për Dhomat e Specializuara para datës 6 tetor.
Në këtë kuadër, Lutfi Haziri u ka bërë thirrje institucioneve që të mos flasin me lehtësi për një periudhë që, sipas tij, mbart një peshë të madhe për shoqërinë kosovare.
Haziri ka theksuar se përkushtimi ndaj UÇK-së nuk duhet të lidhet vetëm me faktin nëse dikush ka marrë pjesë drejtpërdrejt në luftë apo ka mbajtur armë në dorë.
Ai i është referuar veçanërisht të rinjve të lindur pas vitit 1999, duke thënë se, edhe pse nuk e kanë përjetuar luftën dhe nuk kanë dëgjuar krismat e armëve, ata e kanë të rrënjosur në ndërgjegje historinë e UÇK-së dhe e konsiderojnë atë pjesë të identitetit të tyre.
Sipas Hazirit, pikërisht kjo lidhje e brezit të ri me historinë e luftës është një prej arsyeve që prej 15 netësh sheshi vijon të mbushet me thirrje në mbështetje të UÇK-së.Ai ka nënvizuar se të rinjtë e dinë çmimin e lirisë dhe, përmes pjesëmarrjes në protesta, shprehin qëndrimin e tyre për mbrojtjen e kësaj trashëgimie.
Vendimi i Gjykatës Speciale në Hagë për ish-krerët e UÇK-së ka nxjerrë prej ditësh qytetarë në sheshin “Skënderbeu” në Prishtinë. Katër ish-drejtuesit e UÇK-së, Hashim Thaçi, Kadri Veseli, Jakup Krasniqi dhe Rexhep Selimi, u dënuan në total me 81 vite burgim për krime lufte.
Të enjten, pritet të mbahet në Prishtinë, protesta e paralajmëruar nga platforma “Liria ka Emër”, në kundërshtim me vendimin e Gjykatës Speciale ndaj ish-krerëve të Ushtrisë Çlirimtare të Kosovës.
Organizatoret e protestës ka bërë të ditur se tubimi do të mbahet në sheshin “Skënderbeu” dhe, ndryshe nga organizimet e mëparshme, kësaj here nuk do të ketë formën e marshit, ndërsa ftesa për pjesëmarrje u është bërë të gjithë qytetarëve të Kosovës, përfshirë edhe liderët politikë./abcnews.al
IUSTITIA.BG – Investigations 2009-2026 2026-09-30 21:35:06
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
