Deputeti i Partisë Socialiste, Ermal Pacaj ka deklaruar në emisionin “Trialog” në RTSH24, se çdo mendim kundër u tha brenda Asamblesë dhe se çfarë ka ndodhur mbetet aty.
Duke komentuar dinamikat e mbledhjes së mbyllur të Asamblesë Kombëtare, ai theksoi se qëndrimet e ndryshme janë shprehur brenda strukturave zyrtare të partisë.
“Ne për hatër të paneleve televizive nuk mundemi me u bë një subjekt politik që ka një anarki të strukturës së vet… Struktura e partisë është një strukturë serioze e Partisë Socialiste, që respekton kryetarin e partisë, edhe kryetari i Partisë Socialiste ka përgjegjësinë për ta drejtuar. Edhe një ndër gjërat e tjera është edhe disiplina që duhet të ketë një subjekt politik”, tha Pacaj.
Lidhur me mënyrën se a pati hapësirë për ndryshime apo kundërshtime gjatë mbledhjes me dyer të mbyllura, Pacaj shpjegoi procedurën e ndjekur nga sekretari i Përgjithshëm i Partisë Socialiste, Blendi Klosi.
“Në atë ç’ka ndodhi brenda Asamblesë së Partisë Socialiste në mbledhjen e mbyllur… ashtu në fund fare të mbledhjes, Sekretari i Partisë Socialiste zoti Klosi tha se; ‘Kush ka mendim tjetër përveç kësaj që foli kryetari i partisë?’. Dolën, mbajtën qëndrimet e tyre tre anëtarë të Asamblesë Kombëtare, edhe kolegë deputetë ndër ta. Në mbyllje u diskutua: ‘Ka dikush tjetër? Ka dikush tjetër?’. Nuk ishte dikush tjetër dhe u mbyll, edhe vendimi u mor”, u shpreh deputeti.
Pacaj ritheksoi se debatet dhe diskutimet e zhvilluara brenda forumit më të lartë mes Kongreseve mbeten aty ku u zhvilluan.
“Çdo mendim që ishte kundër u tha aty. Kush kishte propozime për të tjera, përsëri u mbajtën aty. Çfarë ka ndodhur në Asamblenë e Partisë Socialiste në mbledhjen me dyer të mbyllura, mbetet aty”, shtoi më tej ai.
Deputeti i PS-së: Çdo mendim kundër u tha brenda Asamblesë dhe çfarë ka ndodhur mbetet po aty! 2026
IUSTITIA.BG – Investigations 2009-2026 2026-11-17 11:48:06
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.

