Gazetari Ardit Rada, në një intervistë në “Ora e Fundit” në ABC News, komentoi marrëveshjen mes Shqipërisë dhe Shteteve të Bashkuara, duke u ndalur te qëndrimi i Partisë Demokratike dhe retorika e saj ndaj aleatit strategjik të vendit.
Sipas Radës, kundërshtimi i marrëveshjes nga Partia Demokratike nuk përbën surprizë, duke argumentuar se qëndrimet e kësaj force politike ndaj përfaqësuesve amerikanë në vitet e fundit kanë dëmtuar profilin e saj.
“Për çfarë arsye duhet të përligjet një marrëveshje për të cilën bëhet fjalë për aleatin më të madh, SHBA-në? Vendimi i PD-së nuk ka pse të sjellë habi, sepse gjuha që ka përdorur ndaj ambasadorëve të fundit amerikanë në Tiranë i ka vënë kapak profilit të PD-së dhe se sa serioze është. PD nuk ka limite në gjuhë, frymëzon një sjellje antiamerikane”, u shpreh ai.
Rada shtoi se opozita mund të kishte ngritur kritika për marrëveshjen nga një këndvështrim politik apo ekonomik, por jo të ndiqte një qasje që, sipas tij, e largon edhe më shumë nga partnerët ndërkombëtarë.
“PD mund të kishte kritikat e saj si parti opozitare, ndoshta mund të kërkonte më shumë kohë ose të argumentonte ndikimin ekonomik të marrëveshjes për Shqipërinë. Por PD çfarë kishte për të humbur, i ka humbur dhe ka mbetur një parti që nuk merr më vëmendjen e SHBA-së. Herë pas here është kritikuar ashpër edhe forma e protestave të Berishës”, deklaroi gazetari.
Gjatë intervistës, Rada komentoi edhe incidentin e përfshirë me kreun e Partisë Mundësia, Agron Shehaj, duke e cilësuar të papranueshëm aktin e grabitjes së dokumentit të marrëveshjes me SHBA.
“Për zotin Shehaj mendoj që akti i grabitjes është një akt i turpshëm, por nuk duhet lënë me kaq. Ka nevojë për një hetim. Nëse do të ishte një veprim euforik i momentit apo mendoi se do të dëmtonte kundërshtarin, duhet të kërkonte ndjesë. Por ai është i bindur për veprimin që ka bërë dhe këmbëngul se ka të drejtë, dhe këtu bëhet më e rëndë situata”, tha Rada.
Ai theksoi gjithashtu se Shqipëria mbetet një pikë e ndjeshme për sa i përket aktiviteteve të spiunazhit dhe se ngjarje të tilla kërkojnë trajtim serioz nga institucionet.
/abcnews.al/
Berisha rimerr flamurin antiamerikan/ “Saliu e PD kanë humbur vëmendjen e SHBA”, Rada: Akti i grabitjes së dokumentit nga Shehaj, i turpshëm. Duhet hetim 2026 IUSTITIA.BG – Investigations 2009-2025 2026-07-29 22:05:28
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
