Prokuroria Speciale e Republikës së Kosovës ka ngritur aktakuzë ndaj Fatmir Shehollit, i cili akuzohet për dy vepra penale, “Spiunazh” dhe “Shantazh”. Sipas aktakuzës, Sheholli, nga një periudhë e papërcaktuar deri më 9 tetor 2025, dyshohet se ka vepruar si person i rekrutuar nga Shërbimi Informativ i Serbisë (BIA) dhe se ka ndihmuar aktivitetet e këtij shërbimi duke zbatuar urdhra dhe detyra të zyrtarëve të tij.
Prokuroria Speciale pretendon se i pandehuri ka mbledhur, siguruar dhe përcjellë përmes komunikimeve telefonike të dhëna, informacione dhe dokumente që lidhen me aktivitetet politike, gjendjen e sigurisë dhe funksionimin e institucioneve të Republikës së Kosovës. Sheholli akuzohet gjithashtu për shantazh, për një periudhë që, sipas aktakuzës, shtrihet nga viti 2022 deri në dhjetor 2025.
Sipas Prokurorisë, ai dyshohet se ka shantazhuar personin me inicialet A.J., duke e detyruar të veprojë në dëm të pasurisë së tij në një shumë që tejkalon 13 mijë euro. Në aktakuzë thuhet se Sheholli i ka kërkuar të dëmtuarit para në formë huazimi dhe e ka kërcënuar se, në rast të mosdhënies së tyre, do të publikonte në media video-incizime dhe informacione që, sipas pretendimit të prokurorisë, do t’i dëmtonin rëndë nderin, reputacionin dhe autoritetin e tij.
Rasti tashmë i është dorëzuar për shqyrtim Gjykatës Themelore në Prishtinë. Ndërkohë, Fatmir Sheholli ndodhet nën masën e paraburgimit.
Aktakuzë për spiunazh, Fatmir Sheholli dyshohet se bashkëpunoi me BIA-n serbe 2026
IUSTITIA.BG – Investigations 2009-2026 2026-08-25 08:54:29
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
Pas “studentëve”, vijnë “pedagogët”. Udhëhiqen nga Argita Berisha 2026
