Një ditë pas kaosit të krijuar në transportin urban në Tiranë, pas reduktimit me deri në 30% të numrit të autobusëve, duket se është gjetur një zgjidhje e përkohshme për situatën.
Shoqata e Transportit Urban ka marrë një mesazh nga Ministria e Infrastrukturës dhe Ministria e Ekonomisë, ku bëhet me dije se operatorëve do t’u jepet një subvencion për një periudhë tre mujore.
Pas këtij vendimi, pritet që shërbimi i transportit urban në kryeqytet të rikthehet në kapacitet të plotë, duke rikthyer në qarkullim autobusët që ishin reduktuar gjatë ditës së djeshme.
Reduktimi i flotës me deri në 30% shkaktoi kaos në linjat urbane, me qytetarët që u përballën me pritje më të gjata dhe autobusë të tejmbushur.
Shumë pasagjerë u detyruan të prisnin për një kohë të gjatë në stacione, ndërsa të tjerë zgjodhën të vijonin rrugën në këmbë.
Pse u reduktuan autobusët?
Operatorët e transportit urban e argumentuan vendimin për reduktimin e flotës me rritjen e kostove të operimit, veçanërisht me çmimin e karburantit, i cili sipas tyre vijon të jetë i lartë dhe nuk ka reflektuar ulje të mjaftueshme në treg.
Në një komunikim të mëparshëm me institucionet, shoqatat e transportit urban kishin paralajmëruar se, nëse çmimi i naftës do të vijonte të mbetej në nivele të larta edhe pas periudhës së subvencionimit, do të kërkohej një tjetër mbështetje financiare nga shteti.
Gjatë periudhës mars-maj, operatorët kishin përfituar një subvencion prej 50 lekësh për litër karburant.
Megjithatë, pas përfundimit të kësaj skeme, operatorët pretenduan se kostot e larta e bënin të vështirë ruajtjen e kapacitetit të plotë të flotës, çka solli vendimin për reduktimin e numrit të autobusëve.
IUSTITIA.BG – Investigations 2009-2026 2026-09-02 11:18:25
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
