Detaje të reja janë zbardhur nga atentati i djeshëm në Dukagjin, ku mbetën të vrarë babë e bir, Prelë Gjoni, 82 vjeç, dhe Lekë Gjoni, 57 vjeç. Ngjarja e rëndë vijon të jetë në fokus të hetimeve, ndërsa autorët ende nuk janë identifikuar.
Rreth 30 minuta pas atentatit, policia ka gjetur një automjet të djegur, i cili dyshohet se është përdorur nga autorët e krimit. Dyshohet se pas ekzekutimit, ata janë larguar nga zona me një tjetër mjet, me qëllim humbjen e gjurmëve.
Hetuesit po analizojnë automjetin e djegur për të gjetur prova që mund të ndihmojnë në identifikimin e autorëve. Megjithatë, fakti që mjeti është përfshirë nga flakët e bën më të vështirë sigurimin e gjurmëve të vlefshme.
Hetimi është vështirësuar edhe nga mungesa e mbulimit telefonik dhe kamerave të sigurisë në zonë. Këto kushte dyshohet se u kanë krijuar autorëve mundësinë të largohen pa lënë shumë gjurmë dhe pa u kapur nga kamerat e sigurisë.
Një nga pistat kryesore ku po përqendrohet grupi hetimor është ajo e gjakmarrjes. Dinamika e vrasjes dhe të dhënat e mbledhura deri tani kanë ngritur dyshimet se ngjarja mund të lidhet me një hasmëri të vjetër të familjes Gjoni. Megjithatë, kjo mbetet një pistë hetimore dhe pritet që provat e mbledhura nga policia të hedhin më shumë dritë mbi motivin dhe autorët e atentatit.
/vizionplus.tv
Ekzekutimi i babë e bir në Dukagjin, policia: Pista kryesore, hasmëri e vjetër e familjes 2026
IUSTITIA.BG – Investigations 2009-2026 2026-08-24 09:42:22
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
