Ish-ambasadori i Holandës në Kosovë, Robert Bosch, e cilësoi “skandaloz” vendimin e Gjykatës Speciale ndaj katër ish-krerëve të Ushtrisë Çlirimtare të Kosovës, përfshirë ish-presidentin Hashim Thaçi.
Bosch pohoi për Kosovapress se gjykata dhe prokuroria nuk kanë marrë, sipas tij, parasysh rrethanat e luftës dhe vlerësimet e ekspertëve ndërkombëtarë për strukturën e UÇK-së. Ai argumentoi se mungesa e një strukture të centralizuar e bënte të vështirë që Thaçi dhe të tjerët të akuzoheshin për koordinim.
Është e qartë se gjyqtarët dhe prokurorët nuk i kanë dëgjuar ekspertët dhe atë që u tha prej tyre për strukturat e UÇK-së, se në fakt, nuk kishte një strukturë të tillë. Këtë e kanë theksuar zoti Clark, zoti Hill, zoti Rubin dhe të gjithë ekspertët e vërtetë. Edhe unë e kam theksuar këtë, por natyrisht ata nuk më dëgjojnë fare. Kjo është ajo që thoshin gjithmonë: UÇK-ja janë “çizmet në terren”, forcat në terren, por është shumë e vështirë të komunikosh me ta, sepse nuk ka strukturë. Pra, si mund t’i akuzoni Thaçin dhe Rexhepin për koordinim, kur nuk kishte koordinim? Dhe gjithashtu ajo që njerëzit nuk e kuptojnë dhe e harrojnë është se kjo ka ndodhur 26 vjet më parë. Në atë kohë nuk kishte telefona te levizshem, iPhone nuk ekzistonte.
Duhej të komunikoje përmes telefonit satelitor. Dhe telefoni satelitor- te cilin e kam përdorur edhe vetë -shumë herë nuk funksiononte.
Prandaj ishte shumë e vështirë të ekzistonte çfarëdolloj koordinimi. Bosch, i cili ka thënë më herët se është penduar për mbështetjen që kishte dhënë për themelimin e Speciales, deklaroi se kjo gjykatë nuk duhej të ekzistonte. Duke folur për mundësinë e ndryshimit të vendimit në shkallën e dytë, Bosch tha se nuk pret shumë, ndërsa shprehu habi për përbërjen amerikane të prokurorëve dhe gjyqtarëve të gjykatës, të cilën ai e përshkroi si gjykatë të Kosovës të financuar nga evropianët. Ai sakaq shtroi dhe pyetjen se duke qenë se Specialja konsiderohet gjykatë e Kosovës, presidenti i Kosovës mund të ketë kompetencë për faljen e të dënuarve.
Nëse ata pretendojnë se janë një gjykatë e Kosovës, atëherë bien nën juridiksionin e Kosovës. Dhe kush është lideri në Kosovë? Nuk janë ata, është presidenti, apo jo? Gjithsesi, për ta përfunduar me një notë pozitive, ndoshta është një ide e mire.
IUSTITIA.BG – Investigations 2009-2026 2026-09-18 15:41:43
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
