Në Kosovë nuk na duhet komunizmi dhe pushtetet nuk mund të centralizohen.
Me këtë qëndrim, kryetari i komunës së Prishtinës ka dalë në protestën e mbajtur sot përpara godinës së qeverisë.
Sipas Përparim Ramës, ato qytete që nuk e kanë votuar Albin Kurtin po dënohen me mungesë fondesh dhe për pasojë me mungesë shërbimi, ndërsa ka qenë jo pak i ashpër për të kaluarën e dhunshme të VV dhe sjelljen e ministrave të saj sot.
“Këto institucione sot po i udhëheqin njerëzit që dikur i kanë djegur e i kanë sulmuar me tulla e me gaz lotësjellës pikërisht këto institucione…Fatkeqësia është që ministrja që duhet me përfaqësu diplomacinë e Kosovës sot akuzohet pikërisht me sulmin ndaj institucioneve që sot ajo vetë i përfaqëson. Paramendoni kush na përfaqëson! Fatkeqësia tjetër është që kryetarja e Kuvendit, e cila duhet të jetë shembulli më i lartë i respektit dhe integritetit institucional, është akuzuar publikisht se ka kontrabanduar gaz lotësjellës brenda këtyre institucioneve të Kosovës, duke i rrezikuar të gjithë njerëzit brenda tyre e duke i dëmtuar institucionet e shtetit tonë. Dhe për më tepër, për më tepër, për ta udhëhequr kuvendin e Republikës së Kosovës, për të cilin në këtë shesh është derdhur gjak.”
Në protestë janë bashkuar edhe kryetari i Drenasit, i Suharekës, i Skenderajt, i Ferizajt, i Prizrenit, dhe kryetarit i komunës së Vitisë.
Ata janë bashkuar kundër asaj që e konsiderojnë cenim të kompetencave dhe të drejtave të tyre ligjore nga niveli qendror me shqetësimet kryesore për shkurtimet buxhetore, financimin e mësimdhënësve apo kompensimin e dëmeve nga fatkeqësitë natyrore.
Përparim Rama ka marrë kryeqytetin nën logon e Lidhjes Demokratike të Kosovë por nuk shquhet për ruajten e qëndrimeve të partisë.
Kjo e fundit vetëm në fillim të kësaj jave doli në krah të Kurtit me një marrëveshje për kandidatin për president.
Komunat kundër Kurtit/ Rama: Ka lënë pa buxhet qytetarët që nuk e votuan 2026
IUSTITIA.BG – Investigations 2009-2026 2026-09-01 16:49:06
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
