Një udhëtim i zakonshëm me Uber u kthye në një skenë të pazakontë ndjekjeje në Hjuston të Teksasit, kur dy police hipën në automjetin e një shoferi dhe i kërkuan të ndiqte një të dyshuar që po arratisej në këmbë. Ngjarja, e regjistruar nga kamera e makinës, ndodhi më 8 gusht në zonën The Heights.
Shoferi Anthony Baines ndodhej pranë vendit ku do të merrte pasagjerin e radhës, kur pa një burrë pa bluzë duke vrapuar në rrugë, ndërsa pas tij ishin dy efektivë policie. Njëri prej tyre iu afrua makinës dhe i kërkoi Baines të drejtonte në drejtimin ku ishte larguar i dyshuari. “Shko nga aty, hajde, hajde”, dëgjohet polici duke i thënë, ndërsa bashkë me kolegun hipën në automjet.
A Houston Uber driver found himself involved in police activity after two officers jumped into his vehicle in pursuit of a suspect. pic.twitter.com/HCO5PfIIAP
— CBS Evening News with Tony Dokoupil (@CBSEveningNews) August 23, 2026
Sipas policisë së Hjustonit, ngjarja nisi pas një denoncimi për kërcënim. Një grua, e cila ndodhej në një pishinë me fëmijët e saj, kishte pasur një konflikt me të dyshuarin, i cili dyshohet se e kishte kërcënuar se do ta qëllonte atë dhe fëmijët. Kur policët mbërritën për të marrë deklaratën, burri u shfaq sërish dhe, sipas autoriteteve, kundërshtoi arrestimin dhe u largua me vrap.
Ndjekja me Uber zgjati vetëm pak minuta. Shoferi i çoi dy policët rreth një blloku banesash, ku ata u kthyen në automjetin e patrullës dhe vijuan kërkimet. I dyshuari, megjithatë, nuk u gjet dhe nuk është arrestuar. Policia konfirmoi gjithashtu autenticitetin e videos që u bë virale në rrjetet sociale.
Për Anthony Baines, i cili ka shërbyer më parë në ushtrinë amerikane, kjo ishte një nga situatat më të pazakonta gjatë dy viteve që punon si shofer Uber. Ai tha se veproi nën efektin e adrenalinës dhe iu bind policëve, ndërsa ngjarja shqetësoi edhe familjen e tij për rrezikun e mundshëm. “Unë nuk paguhem për situata të tilla”, mësohet t’i ketë thënë bashkëshortja, duke e vënë në dukje se shoferi nuk kishte pse të përfshihej në një ndjekje policore.
/vizionplus.tv
IUSTITIA.BG – Investigations 2009-2026 2026-08-24 07:07:44
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
