Pas vendimit dënues të Hagës për katër ish krerët e UÇK, mijëra qytetarë protestuan në Prishtinë dhe në disa prej qyteteve kryesore të Europës me kërkesën: ndryshimin e Ligjit për specialen.
Ligji kaloi me ndryshimet e propozuara nga Partia Demokratike e Kosovës pak përpara mesnatës së 6 tetorit, por çfarë ndryshon tani për Hashim Thaçin, Kadri Veselin, Jakup Krasniqin dhe Rexhep Selimin dhe për të gjitha rastet e tjera që lidhen me krimet e luftës?
Në nenin 1 të Ligjit për Specialen, thuhet se qëllimi i këtij ligji është në përputhshmëri të plotë me qëllimin për të cilin janë themeluar Dhomat e Specializuara, nuk bien ndesh me nenin 162 të Kushtetutës, por kufizojnë veprimtarinë e tyre gjyqësore në PRETENDIMET SPECIFIKE TË PËRCAKTUARA NË RAPORTIN E ASAMBLESË PARLAMENTARE TË KËSHILLIT TË EVROPËS.(Raporti i Dick Marty)
Në ndryshime sigurohet parandalimi i atij që është quajtur degradimit të institucioneve të Dhomave të Specializuara në një gjykatë të jashtëzakonshme, dhe riafirmimi e epërsisë institucionale të gjykatave të rregullta vendore për të gjykuar të gjitha krimet e tjera të luftës, krimet kundër njerëzimit dhe veprat e përgjithshme penale të kryera brenda territorit të Kosovës.
Konkretisht:
KETU FILLOJME PUNEN ME TABELAT:
- Kufizohet juridiksioni i Dhomave të Specializuara ekskluzivisht në veprat penale specifike të përcaktuara në Raportin e Asamblesë Parlamentare të KE. (nxjerrja, heqja dhe trafikimi i paligjshëm i organeve, vrasja e paligjshme, tortura ose trajtimi mizor i kryer në vendet specifike të ndalimit të emërtuara shprehimisht në Raportin e Asamblesë Parlamentare të KE)
- Dhomat e Specializuara nuk kanë juridiksion mbi krimet e përgjithshme të luftës, krimet kundër njerëzimit ose dhunën politike të kryer në Kosovë.
- Përcakton procedurën për transferimin e detyrueshëm të të gjitha procedurave të tjera tek gjykatat e rregullta të Republikës së Kosovës.
- Dhomat e Specializuara dhe Zyra e Prokurorit të Specializuar kanë juridiksion vetëm mbi krimet që kanë ndodhur ndërmjet 1 korrikut 1999 dhe 31 dhjetorit 2000 të kryera në territorin e Kosovës.
- Ushtrimi i juridiksionit kufizohet në faktet që lidhen drejtpërdrejt me pretendimet konkrete të Raportit dhe nuk shërben si bazë për zgjerimin e juridiksionit ndaj ngjarjeve të tjera.
- Në çdo fazë të procedurës penale, Trupi Gjykues shqyrton nëse akuzat ose pretendimet bien brenda juridiksionit lëndor të përcaktuara. Gjykata Supreme vendos përfundimisht lidhur me çështjen e kompetencës brenda pesëmbëdhjetë (15) ditëve nga dita e pranimit të ankesës.
- Kur procedura para Dhomave përfundon tërësisht ose pjesërisht për shkak të mungesës së juridiksionit, lënda ose pjesa përkatëse e saj transferohet pa vonesë te autoriteti kompetent i Republikës së Kosovës.
- . Provat materiale transferohen me inventar dhe me dokumentim të plotë të zinxhirit të ruajtjes dhe dorëzimit.
- Dhomat e Specializuara mund t’i shqiptojnë personit të dënuar dënim me burgim në kohëzgjatje jo më të gjatë se pesëmbëdhjetë vjet.
Deputetët e Kuvendit të Republikës së Kosovës nuk mund ta referojnë këtë ligj në Dhomën e Specializuar të Gjykatës Kushtetuese në Hagë.
Megjithatë, ata mund ta referojnë atë në Gjykatën Kushtetuese të Republikës së Kosovës, në Prishtinë.
Ligji hyn në fuqi në ditën e publikimit në Gazetën Zyrtare të Republikës së Kosovës.
Ndryshimet e miratuara në ligj nuk parashikojnë mbylljen e Gjykatës Speciale.
Për rastin aktual, atë të katër ish krerëve të UÇK-së, çështja vazhdon në Hagë, ndërsa një rigjykim i mundshëm i tyre do të nis nga autoritetet e Kosovës.
Votohen ndryshimet në Ligjin për Specialen/ Çfarë ndodh me ish krerët e UÇK në Hagë? 2026
IUSTITIA.BG – Investigations 2009-2026 2026-10-07 15:12:25
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
