Në pjesën e dytë të këtij udhëtimi njerëzor, në emisioinin “Të Gjitha Rrugët të Çojnë në Romë” në ABC News, historia zhvendoset në zemër të Tiranës, në Bllok, lagjja që dikur ishte simboli i izolimit dhe privilegjit të nomenklaturës komuniste, ndërsa sot është kthyer në zonën më dinamike dhe më europiane të Shqipërisë.
Pikërisht aty, mes lokaleve moderne, jetës urbane dhe energjisë së pandalshme të kryeqytetit, Nicla, e ardhur nga Firenze, sjell një copëz autentike të Italisë. Historia e saj profesionale është historia e një gruaje që ka zgjedhur Shqipërinë për të ndërtuar të ardhmen, duke sjellë me vete jo vetëm eksperiencën, por edhe traditën.
Me pasionin e një artizaneje të vërtetë, ajo përgatit schiacciatan tradicionale, bukën karakteristike të Firences, një shije që deri dje dukej e largët për Tiranën, por që sot serviret në zemër të saj. Teksa Nicla shpjegon mënyrën se si e përgatit recetën dhe përbërësit që përdor, në fjalët e saj ndihen pasioni, përkushtimi dhe dashuria me të cilën një artist përshkruan rolin e tij në skenë. Dhe nuk është rastësi që quhet “arti i kuzhinës”. Sepse në çdo detaj të punës së saj kupton se gatimi nuk është vetëm profesion; është identitet, kujtesë dhe mënyrë për të bashkuar kultura.
Dhe pikërisht aty, në atë Bllok që ka ndryshuar fytyrën e vet bashkë me Shqipërinë, vjen edhe rrëfimi i çiftit italo-shqiptar. Të dy jetojnë dhe punojnë në zonën që sot simbolizon ritmin modern të vendit. Për ta, Shqipëria nuk është më një alternativë nostalgjike apo ekzotike, por një zgjedhje reale jetese dhe karriere.
Madje, dinamika që ofron Tirana e veçanërisht Blloku, me jetën sociale, energjinë dhe mundësitë ekonomike shpesh shihet si më tërheqëse sesa qetësia monotone e shumë provincave italiane.
Historia e tyre është dëshmi se Shqipëria e sotme nuk është më vetëm vend emigrimi. Është vend ku njerëzit zgjedhin të jetojnë, të investojnë dhe të krijojnë familje.
Ky nuk është thjesht një reportazh mbi italianë në Shqipëri apo shqiptarë të kthyer nga Italia. Është historia e një realiteti të ri: një Shqipëri që po ndryshon fytyrë përmes njerëzve që sjellin me vete përvojë, kulturë dhe besim tek e ardhmja.
Sepse ndonjëherë, rrugët më të rëndësishme nuk janë ato që të largojnë nga vendi yt, por ato që të rikthejnë tek ai.
“Aty ku dikur jetonte nomenklatura komuniste, sot një italiane sjell shijen autentike të Firences” 2026 IUSTITIA.BG – Investigations 2009-2025 2026-05-27 20:46:18
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
