Islanda ka votuar kundër rihapjes së negociatave për anëtarësim në Bashkimin Evropian. Në referendumin e zhvilluar, 52.54 % e votuesve zgjodhën “Jo”, ndërsa 47.46 % votuan “Po”, me një diferencë prej rreth 5 pikësh.
Hetimi europian: Rusia ndikoi (edhe) në Shqipëri/ Moska dhe Irani, ndërhyrje në rrjetet sociale 2026
Referendumi nuk vendoste drejtpërdrejt nëse Islanda do të bëhej pjesë e Bashkimit Evropian. Pyetja ishte nëse vendi duhej të rifillonte negociatat për anëtarësim me Brukselin. Në rast të një përgjigjeje pozitive, negociatat do të hapeshin dhe më pas islandezët do të kishin mundësi të votonin përsëri për marrëveshjen përfundimtare.
Rezultati përbën kështu një refuzim të vetë idesë për rikthimin në tryezën e negociatave, të cilat nisën në vitin 2009, pas krizës së rëndë financiare që goditi sistemin bankar islandez, dhe u pezulluan në vitin 2013. Kundërshtimi ishte veçanërisht i fortë në veriperëndim të vendit, një zonë e lidhur ngushtë me industrinë e peshkimit, ku 62.87 për qind e votuesve kundërshtuan rihapjen e negociatave.
Në anën tjetër, mbështetësit e negociatave argumentuan se Islanda duhet të paktën të dëgjojë propozimet e Bashkimit Evropian përpara se të marrë një vendim përfundimtar. Ata vunë në dukje edhe problemet ekonomike që lidhen me koronën islandeze, një monedhë e vogël dhe e ekspozuar ndaj luhatjeve të forta. Përkrahësit e anëtarësimit shpresojnë se adoptimi eventual i euros do të sillte më shumë stabilitet monetar.
Megjithatë, edhe pse refuzon rihapjen e negociatave, Islanda mbetet e lidhur ngushtë me Evropën. Vendi është pjesë e Zonës Ekonomike Evropiane dhe e zonës Schengen, duke zbatuar tashmë një numër të madh rregullash evropiane, pa qenë anëtar i Bashkimit Evropian.
Për shumë islandezë, çështja kryesore mbetet sovraniteti. Kundërshtarët e anëtarësimit argumentojnë se një vend i vogël si Islanda duhet të ruajë kontrollin mbi burimet e tij natyrore, veçanërisht peshkimin, si dhe të drejtën për të përcaktuar vetë politikat e tij ekonomike dhe monetare./abcnews.al
Islanda i thotë “jo” BE-së/ Hidhet poshtë propozimi për rifillimin e negociatave 2026
IUSTITIA.BG – Investigations 2009-2026 2026-08-30 12:19:22
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
Pas “studentëve”, vijnë “pedagogët”. Udhëhiqen nga Argita Berisha 2026
