Kthimi në shtëpi pas një transferte është kthyer në një tragjedi të vërtetë që ka tronditur futbollin në Gana. Dominic Frimpong, 20 vjeçari ganez, lojtar i skuadrës së Berekum Chelsea mbeti i vdekur pas një sulmi të armatosur në autobusin me të cilin udhëtonte me ekipin e tij.
Skuadra e Ligës së Parë ganeze po kthehej nga një ndeshje jashtë fushe në Samreboi, jo shumë larg kufirit jugor me Bregun e Fildishtë. Autobusi, siç shkroi klubi në një deklaratë, “u qëllua ndërsa përpiqej të kthehej mbrapsht nga një grup personash të maskuar dhe të armatosur me pushkë dhe pistoleta”. Mesazhi vazhdon duke shpjeguar se “lojtarët dhe stafi ikën, duke u strehuar në shkurre”.
Megjithatë, Frimpong u qëllua në kokë dhe vdiq pak pasi mbërriti në spital. 20-vjeçari ishte i huazuar nga një klub tjetër ganez, Aduana, dhe në 13 paraqitje dhe kishte shënuar dy gola këtë sezon, përfshirë edhe ndeshjen e tij të fundit si titullar.
Federata e Futbollit të Ganës shprehu ngushëllimet e saj në një deklaratë: “Ky aksident tragjik përfaqëson jo vetëm një humbje të madhe për Berekum Chelsean, por për të gjithë futbollin ganez. Dominic ishte një talent i ri premtues, përkushtimi dhe pasioni i të cilit mishëronin frymën e ligës sonë. Ne jemi në komunikim të vazhdueshëm me klubin dhe autoritetet përkatëse dhe kërkojmë që të merren të gjitha masat e nevojshme për të siguruar që drejtësia të vihet në vend, lexohet në njoftimin e federatës ganeze.
Sipas mediave lokale, forcat e sigurisë kanë nisur hetimet, por nuk kanë asnjë të dyshuar në lidhje me këtë tragjedi.
Tragjedi në futbollin ganez/ Autobusi i skuadrës sulmohet me armë, humb jetën lojtari 20 vjeçar 2026 IUSTITIA.BG – Investigations 2009-2025 2026-04-13 13:43:36
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.


