Partia Socialistke po fetson 35-vjetorin e themelimit në Pallatin e Kongreseve. Në këtë atkivititet i pari që është nderuar me “Medaljen e Arti” ka qenë Gramoz Ruçi, një ndër themeluesit dhe figurat më të larta të PS ndër vite.
Në fjalën e tij Gramoz Ruçi falenderoi socialistët e thjeshtë për mbështetjen që i kanë dhënë PS-së ndër vite.
Në fund të fjalës së tij ai la dy porosi për drejtuesit dhe deputetët e PS, e para që të mos braktisin kurrë kontaktim me socialistët e thejshtë, dhe e dyta të mëbshtesin vizion e Edi Ramës për Shqipërinë evropiane.
“Të dashur socialistë të Bashkisë së Tiranës, të Bashkisë së Kamzës, të Bashkisë së Vorës, Kavajës dhe Rrogozhinës.
Sot është 35-vjetori i familjes sonë politike. Për të na kujtuar dhe për të na certifikuar me certifikatë mirënjohjeje ndër vite. Kjo mirënjohje nuk është për mua dhe as për shokët e mi, sepse mirënjohja më e madhe për ne ishte ajo që na dhanë socialistët ndër vite për të qenë drejtues të tyre.
Mirënjohja ime është për çdo socialist në të gjithë territorin e Shqipërisë, për çdo votues të PS-së, drejtues të PS-së, deputet të PS-së në tri dekada e gjysmë dhe veçanërisht për ata të periudhës 1992–1996.
Mirënjohja ime shkon për drejtuesit e PS-së sot, për qeverisjen e PS-së. Për ne, të djeshmit drejtues të PS-së, është domethënës fakti që në këtë 35-vjetor shohim një PS që, në pikëpamje numerike, jo vetëm nuk është rrudhur, por është shtuar. Ndërsa, në pikëpamje moshore, teksa vitet e PS-së rriten, vitet e anëtarësisë zvogëlohen.
Në aspektin gjinor ne mrekullohemi. Kur e nisëm këtë betejë kishim vetëm një anëtare kryesie, kurse sot 50% e anëtarëve të Kryesisë dhe Asamblesë Kombëtare, si edhe të këshilltarëve të bashkive, janë gra dhe vajza. Ne nga kjo mrekullohemi, jemi shpresëplotë.
PS-ja sot është më vitale. Mandati i katërt është pak; do të sigurojmë edhe mandatin e pestë.
Një mesazh për drejtuesit e rinj dhe për kryetarët do të kisha dy gjëra:
E para, duajeni dhe mos harroni anëtarin e thjeshtë të PS-së. Duajeni, respektojeni votuesin e PS-së, gjendjuni atij në gëzime dhe në hidhërime. Nëse nuk ia zgjidhni hallin, qajeni hallin bashkë me të.
Miqtë e mi, mos e humbisni kurrë kontaktin dhe komunikimin me anëtarët dhe simpatizantët e PS-së. Pa këto kontakte dhe këtë lidhje shpirtërore, është si puna e asaj që tregojnë për gjuhën e huaj: po e le një ditë, të lë një javë; po e le një vit, të lë për tërë jetën. Kështu është edhe anëtarësia.
Dhe, së fundi, apeli që kam: mbështesni vizionin e Edi Ramës për Shqipërinë 2030, ambicien e Edi Ramës për Shqipërinë në BE, ambicien e tij për të qeverisur Shqipërinë akoma më mirë. Mbështesni përkushtimin dhe vendosmërinë e Edi Ramës.
Unë kam bindjen se fitorja e PS-së në vitin 2029 është e sigurt dhe integrimi në BE në vitin 2030 është i garantuar”, tha Ruçi.
35 vjetori i PS, dy porositë e Ruçit: Mos i braktisni socialistët e thjeshtë, mbështesni fort vizionin e Edi Ramës për të ardhmen 2026 IUSTITIA.BG – Investigations 2009-2025 2026-06-02 16:46:07
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.
