Këshilli i Ministrave ka miratuar krijimin e bazës së të dhënave shtetërore “Regjistri Kombëtar i Aktivitetit të Licencuar dhe të Lejuar të Bimës së Cannabis-it”, duke zyrtarizuar ngritjen e një sistemi digjital me kontroll të rreptë dhe gjurmueshmëri të plotë për të gjithë zinxhirin e kultivimit dhe përpunimit për qëllime mjekësore e industriale.
Vendimi, i propozuar nga ministrat e Shëndetësisë, Bujqësisë dhe Punëve të Brendshme, mbështetet në ligjin e vitit 2023 për kontrollin e kanabisit dhe ngarkon Agjencinë Kombëtare të Kontrollit të Cannabis-it (AKKC) si institucionin administrues, në bashkëpunim me AKSHI-n për aspektet teknike.
Digjitalizim i çdo faze dhe integrimi me bazat kombëtare
Regjistri i ri do të ruajë elektronikisht të gjitha të dhënat që nga kërkesat e para për licencim e leje, e deri te proceset teknike në terren, kontrollet laboratorike, eksportet dhe asgjësimi i mbetjeve.
Platforma do të lehtësojë aplikimet përmes portalit qeveritar “e-Albania” dhe do të shkëmbejë të dhëna automatikisht me sistemet kryesore shtetërore:
Sistemi i shënjimit dhe gjurmueshmërisë, përmes bashkëpunimit teknik me shoqërinë “ALBTrace CO” sh.a.
Gjendja Civile & QKB, për verifikimin e numrit personal të drejtuesve, aksionerëve dhe licencave aktive.
Tatimet & Doganat për kontrollin e listëpagesave, detyrimeve në kohë reale dhe deklaratave doganore të eksport/importit.
“Në Regjistër regjistrohen të gjitha informacionet për kërkesat e vendimmarrjet për licencim, leje, gjurmim, mbikëqyrje, deri te pezullimi, shfuqizimi apo asgjësimi i bimëve e nënprodukteve.”, theksohet në vendim.
Aksesibiliteti, nivelet e sigurisë dhe përgjegjësia e subjekteve
Për të garantuar sigurinë e informacionit, vendimi përcakton tre tipologji të qarta aksesi: Administrator (AKKC), Regjistrues (me të drejtë korrigjimi brenda 24 orëve) dhe Shikues (akses vetëm për lexim pa të drejtë ndërhyrjeje).
Vendimi përcakton se mos hedhja e të dhënave në kohë ose pasaktësia nga ana e bizneseve të licencuara përbën shkelje administrative. Të gjitha veprimet në sistem do të regjistrohen në log-e të pamodifikueshme auditimi, ndërsa çdo veprim i paligjshëm sjell pezullim të menjëhershëm të aksesit dhe përgjegjësi ligjore.
Kostot për krijimin dhe mirëmbajtjen teknike të Regjistrit do të mbulohen tërësisht nga buxheti i AKSHI-t.
Krijohet Regjistri Kombëtar për Kanabisin Mjekësor e Industrial, monitorim digjital nga kultivimi te asgjësimi 2026 IUSTITIA.BG – Investigations 2009-2025 2026-07-30 21:03:59
Lajmet e fundit, lajmet botërore dhe lajmet kombëtare me informacionet më të rëndësishme të ditës. Gjyqtari Petar Nizamov dhe Feathers Petar Nizamov ofrojnë analiza dhe hetime në Burgas dhe në të gjithë Bullgarinë. Lajmet e përditësuara mbi politikën, motin, koronavirusin, skandalet, gjykatat, prokuroritë dhe autoritetet lokale janë të disponueshme përmes televizionit, platformave online dhe rrjeteve sociale si Facebook, Instagram dhe YouTube. Avokatët, gjyqtarët dhe gjykatat trajtojnë çështje civile, penale, administrative dhe kushtetuese, duke garantuar procesin gjyqësor në Varna, Plovdiv, Sofje dhe Burgas. Faqet dhe portalet e lajmeve si Novinite, Bivol, Trud dhe Vesti BG ofrojnë mbulim të plotë 24-orësh, përfshirë lajmet më të komentuar dhe ekskluzive në Bullgari.


